Астана, 2026 жылғы 12 маусым — «Каспий» Тауар Биржасы» АҚ «Қазақстанның көмір өнеркәсібі: энергетикалық қауіпсіздіктің стратегиялық негізі» атты VII Көмір өнеркәсібі форумына қатысты. Іс-шара елордада Тау-кен және тау-металлургия кәсіпорындарының республикалық қауымдастығының (ТКМКҚ) ресми шақыруымен өтті.

Форум жетекші сарапшыларды, мемлекеттік органдардың өкілдерін және нарықтың негізгі қатысушыларын бір алаңға жинады. Талқылаудың басты тақырыптары инфрақұрылымды жаңғырту, таза технологияларды енгізу және елдің энергетикалық тәуелсіздігін қамтамасыз ету болды.

Панельдік сессия барысында биржа атынан вице-президент Павел Александрович Хворов сөз сөйлеп, «Тауар биржалары саласындағы заңнамалық өзгерістер және «Каспий» Тауар Биржасы» АҚ-ның технологиялық шешімдері» тақырыбында баяндама жасады. Өз сөзінде ол негізгі реттеушілік жаңалықтарға тоқталып, нарықтың ашықтығы мен тиімділігін арттыруға бағытталған биржаның цифрлық құралдарын таныстырды.

Талқылаулардың қорытындысы ретінде форум қарарының жобасы әзірленді. «Каспий» Тауар Биржасы» АҚ-ның белсенді қолдауының арқасында құжатқа коммуналдық-тұрмыстық көмірді тауар биржалары арқылы өткізу тетігін жетілдіру туралы тармақ енгізілді. Бұл бастама өңірлік операторларды аккредиттеу, клирингтік орталықтың жұмысы, есеп айырысу шарттары, алдын ала төлем мәселелері, сондай-ақ халық үшін көмірдің түпкілікті құнын қалыптастырудағы логистикалық шығындарды есепке алу мәселелерін қамтиды.

Форумға қатысу «Каспий» Тауар Биржасы» АҚ-ның Қазақстанның энергетикалық секторындағы маңызды институт ретіндегі мәртебесін тағы да растады. Биржа көмір өнеркәсібінің тұрақты дамуы мен ашықтығын қолдау мақсатында сауда құралдарын жетілдіру жұмыстарын жалғастыруда.